កូរ៉េ​ខាង​ជើងអាម៉ាស់មុខយ៉ាងខ្លាំង ខណៈ​បាញ់សាក​ល្បងមីសុីល ប៉ះចំមីសុីលស្អុយ…

ការ​បាញ់​សាក​ល្បង​មីស៊ីល​របស់​កូរ៉េ​ខាង​ជើង​ទទួល​បរាជ័យ​នៅ​ថ្ងៃ​ អាទិត្យ​នេះ​។ ​នេះ​បើ​តាម​កង​ទ័ព​អាមេរិក។ ការ​បាញ់​សាក​ល្បង​នេះ ធ្វើ​ឡើង​មួយ​ថ្ងៃ​ក្រោយ​ពី​ក្រុង​ព្យុង​យ៉ាង​បាន​បង្អួត​មីស៊ីល​របស់​ខ្លួន ​ជា​ច្រើនប្រភេទ នៅ​ក្នុង​ក្បួន​ព្យុហយាត្រា​មួយ កាល​ពីថ្ងៃ​សៅរ៍​ម្សិល​មិញ​។

ការ​បរាជ័យ​នេះ ត្រូវ​បាន​គេ​មើល​ឃើញ​ថា​ជា​ភាព​អាម៉ាស់​មួយ​របស់​របប​ដឹក​នាំ​កូរ៉េ​ខាង​ជើង ចំពេល​ដែលភាព​តាន​តឹង​ក្នុង​ឧប​ទ្វីប​កូរ៉េ​ខាង​កើន​ឡើង លើ​មហិច្ឆតា​អាវុធ​នុយ​ក្លេ​អ៊ែរ​របស់​ប្រទេស​កុម្មុយនិស្ត​មួយ​នេះ។

 

ក្រសួង​ការពារ​ជាតិ​អាមេរិក​បាន​បញ្ជាក់​ថា មីស៊ីល​ត្រូវ​បាន​បាញ់​ឡើង​ភ្លាមៗ​នៅ​ថ្ងៃ​អាទិត្យ​នេះ​។ សកម្មភាព​នៃ​ការ​បាញ់​សាកល្បង​នេះ ក៏​ត្រូវ​បាន​កូរ៉េខាង​ត្បូង​ចាប់​សញ្ញា​បាន​ផង​ដែរ​។ ប៉ុន្តែ​ក្រុម​ជំនាញ​របស់​កូរ៉េ​ខាងត្បូង​ និង​អាមេរិក​មិន​អាច​កំណត់​បាន​ពី​អត្តសញ្ញាណ​នៃ​ប្រភេទ​មីស៊ីល​នេះ​ទេ។​ ការ​សាកល្បង​ធ្វើ​ឡើង​នាព្រឹក​ព្រលឹម​ពី​តំបន់ Sinpo ជា​តំបន់​មួយ ​ស្ថិត​នៅ​លើ​ឆ្នេរ​សមុទ្រ​ភាគ​ខាង​កើត​កូរ៉េ​ខាង​ជើង ហើយ​ក៏​ជា​កន្លែងមួយ​សម្រាប់​ផលិត​នាវា​របស់​ប្រទេស​នេះ​ដែរ​។

ការ​បាញ់​សាក​ល្បង​កើត​ឡើង​មួយ​ថ្ងៃ បន្ទាប់​ពី​ក្រុង​ព្យុង​យ៉ាង​បាន​ដាក់​បង្ហាញ​ជា​សាធារណៈ​នូវ​គ្រាប់​មីស៊ីល​ប្រមាណ​៦០​គ្រាប់ រួម​បញ្ចូល​ទាំង​ប្រភេទ​មីស៊ីល​អន្តរ​ទ្វីប ដែល​អាច​បាញ់​ឆ្លង​ទ្វីប​បាន​។ ការ​ដាក់​បង្ហាញ​មីស៊ីល​នេះ ធ្វើ​ឡើង​នៅ​ថ្ងៃ​សៅរ៍ ទី​១៥​មេសា ក្នុង​ព្យុហយាត្រា​យោធា​ដ៏​ធំ​មួយ ដើម្បី​រំលឹក​ខួប​កំណើត​១០៥​ឆ្នាំរបស់​លោក​គីម អ៊ីលស៊ុង ជា​បីតា​ស្ថាប​និក​កូរ៉េ​ខាង​ជើង​។

 

ព្រឹត្តិការណ៍​ព្យុហយាត្រា​ដ៏​សម្បើម​របស់​កូរ៉េខាង​ជើង ដើម្បី​បង្ហាញ​សាច់​ដុំ​នេះ ធ្វើ​ឡើង​នៅ​ចំពោះ​មុខ​ប្រព័ន្ធផ្សព្វ​ផ្សាយ​អន្តរ​ជាតិ​ជា​ច្រើន​។ ខណៈ​ដែល​ក្រុម​អ្នកកាសែត​អន្តរ​ជាតិ​មិន​ទាន់​ចាក​ចេញ​ផុត ពីទី​ក្រុង​ព្យុងយ៉ាង​ផង​នោះ ស្រាប់​តែ​ការ​បាញ់​សាក​ល្បង​មីស៊ីល​របស់​កូរ៉េ​ខាង​ជើង​បាន​បរាជ័យ​នៅ​ក្នុង​ថ្ងៃទី​១៦ ខែ​មេសា​នេះ​។

ការ​ទទួល​បរាជ័យ​យ៉ាង​អាម៉ាស់​របស់​កូរ៉េខាង​ជើង​នេះ ក៏​កើត​ឡើង​មុន​ពេល​ប៉ុន្មាន​ម៉ោង ដែល​អនុប្រធានាធិបតី​អាមេរិក​លោក Mike Pence ធ្វើ​ដំណើរ​ទស្សន​កិច្ច​នៅ​កូរ៉េ​ខាង​ត្បូង​។ ក្នុង​ដំណើរ​ទស្សនកិច្ច​នោះ​លោក Mike Pence នឹង​លើក​យក​បញ្ហា​កម្ម​វិធីអាវុធ​របស់​កូរ៉េ​ខាង​ជើង​មក​ជជែក​ពិភាក្សា​ជា​មួយ​កូរ៉េខាងត្បូង​។

 

ជា​ការ​កត់​សម្គាល់​កូរ៉េ​ជើង​តែង​តែ​ធ្វើ​ការ​សាកល្បង​អាវុធ​របស់​ខ្លួន ដើម្បី​រំលឹក​ខួប​អ្វី​មួយ ដែល​មេ​ដឹក​នាំប្រទេស​នេះ ចាត់​ទុក​ថា​ជា​ថ្ងៃ​សំខាន់ ហើយ​ភាគ​ច្រើន​ការ​សាក​ល្បង​នេះ ក៏​ធ្វើ​ឡើង​ចំពេល ដែល​មាន​ដំណើរទស្សនកិច្ច​របស់​មន្ត្រី​សំខាន់ៗ​នៃ​រដ្ឋាភិបាល​អាមេរិក ក្នុង​តំបន់​ដែរ។​

សូម​បញ្ជាក់​ថា​កាល​ពី​ខែ​សីហា ឆ្នាំ​មុន នាវា​មុជ​ទឹក​របស់​កូរ៉េ​ខាង​ជើង​ធ្លាប់​បាន​សាក​ល្បង​មីស៊ីល​បាលីស្ទីក​ក្នុង​តំបន់ Sinpo ដោយ​បាញ់​បាន​ចម្ងាយ​ប្រមាណ​៥០០គីឡូ​ម៉ែត្រ ឆ្ពោះ​ទៅ​កាន់​ប្រទេស​ជប៉ុន។ នៅ​ពេល​នោះមេ​ដឹក​នាំ​កូរ៉េ​ខាង​ជើង​លោក​គីម ជុងអ៊ុន បាន​ចាត់​ទុក​ថា​នេះ គឺ​ជា​ការ​សាកល្បង​ដ៏​ជោគជ័យ​មួយ​របស់​កូរ៉េខាង​ជើង​។

ទោះ​​បី​ជា​មិន​បាន​សាក​ល្បង​អាវុធ​នុយ​ក្លេអ៊ែរ​របស់​ខ្លួន​នៅ​ថ្ងៃ​នេះ​ក្តី ប៉ុន្តែ​ទី​តាំង​សាក​ល្បង​អាវុធ​នុយ​ក្លេអ៊ែរ​របស់​ប្រទេស​នេះ ​ត្រូវ​បាន​ក្រុម​ជំនាញ​អាមេរិក​បញ្ជាក់​ថា​បាន​ត្រៀម​រួច​រាល់​ជា​ស្រេច​។ កូរ៉េ​ខាង​ជើង​បញ្ជាក់ថា​បាន​ត្រៀម​ខ្លួន​រួច​ជា​ស្រេច​ដែរ ដើម្បី​ធ្វើ​សង្រ្គាម​ជា​មួយ​នឹង​អាមេរិក ខណៈ​ដែល​កង​ទ័ព​កូរ៉េខាង​ជើង​បានលើក​ឡើ​ង​ដែរ​​ថា​ពួក​គេ​នឹង​ឆ្លើយ​តប គ្មាន​មេត្តា ចំពោះ​ការ​បង្ក​ហេតុ​ណា​មួយ​របស់​សហ​រដ្ឋ​អាមេរិក​៕

ប្រភព៖​ rfi.fr

Related Post

BBC៖ ប្រធានាធិបតីចិនលោក ស៊ី ជិនពីង Call ទៅ ដូណាល់ ត្រាំអំពាវនាវឲ្យអាមេរិក…... ចិន៖ យោងតាមការចុះផ្សាយសារពត៌មាន BBC បានអោយដឹងនៅល្ងាចនេះថា លោកប្រធានាធិបតី ស៊ី ជិនពីង បានអំពាវនាវដល់អាមេរិក និងកូរ៉េខាងជើងឲ្យអត់ធ្មត់ ក្នុងការសន្ទនាតាមទូរស័ព្ទជាមួយលោក ដូណល ត្រាំ នៅថ្ងៃច័ន្ទនេះ នៅពេលជប៉ុនបានចូលរួមក្នុងសមយុទ្ធរួមគ្នាជាមួយក្រុមនាវាវាយប្...
(ជួយស៊ែរផង) ហ្គិចជួយវេលុយអោយ $500 លេខ… ចៃដន្យ ថ្ងៃនេះក្នុងគណនីរបស់ខ្ញុំមានលុយអត់គ្រប់…... សព្វថ្ងៃនេះមានការបោកប្រាស់សឹងគ្រប់រូបភាព អស់ពីល្បិចមួយចូលដល់ល្បិចមួយទៀត។ មានជនរងគ្រោះមិនតិចទេដែលត្រូវបានគេបោកអោយផ្ញើរលុយទៅអោយជនខិលខូច... តួយ៉ាងដូចករណីនេះ មានជនឆបោកម្នាក់បានលួចចូលគណនី ហ្វេសប៊ុក របស់ជនរងគ្រោះ រួចហើយលួចយកទៅឆាតជាមួយសាច់ញាតិ រឺ មិត្រភ័ក្រ...
ប្រវត្តសង្រ្គាមដ៏រាុំរ៉ៃ កូរ៉េខាងជើង Vs កូរ៉េខាងត្បូង នឹង​អន្តរាគមន៍​របស់ចិន – អាមេរិច…... សង្រ្គាម​កូរ៉េ​បាន​ចាប់ផ្តើម​​ផ្ទុះឡើង​​ដំបូង​ជា​សង្រ្គាម​ស៊ីវិល រវាង​កូរ៉េ​ខាង​ជើង និង​កូរ៉េ​ខាង​ត្បូង ក៏ប៉ុន្តែ ក្រោយ​មក​ត្រូវ​រាលដាល​ទៅ​ជា​ជម្លោះ​ប្រដាប់​អាវុធ​អន្តរជាតិ ក្រោយ​ពី​សហរដ្ឋ​អាមេរិក និង​អ.ស.ប ចូល​ជួយ​កូរ៉េ​ខាង​ត្បូង ហើយ​​សាធារណរដ្ឋ​ប្រ...
«ក្តៅៗ! ជួយស៊ែរផង» លោកតាបណ្ឌិត កុល ផេង ផ្តល់អាហារូបករណ៍ ១០០% ដល់កវីតូច ពេជ្រ ថៃ... ពិតជារីករាយជំនួសកវីតូចណាស់! តាមរយៈប្រភព Facebook ព្រះតេជគុណ Chhouk បានបង្ហោះដូចខាងក្រោម៖ #ដំណឹងដ៏រីករាយដល់ប្អូនប្រុស_ពេជ្រ_ថៃ នៅពេលដែលខ្ញុំផុសថានឹងជួយផ្ដល់សម្លៀកបំពាក់ដល់ប្អូនពេជ្រ ថៃ មានអ្នកសួរខ្ញុំថា ហេតុអីមិនជួយគាត់ផ្នែកសម្ភារៈសិក្សាវិញ ដូចជ...
ក្តៅៗ! បុរស​វ័យ​ ២៦​ឆ្នាំ​ម្នាក់ ​ត្រូវ​​ស្ត្រី​បី​នាក់សុំ​ជិះ​ដោយសារ រួចដាក់ថ្នាំសណ្តំរំលោភរហូតបាត់បង់ស្មារតី…... ករណី​រំលោភ ​​តែង​កើត​មាន​ជា​ញឹកញាប់​ក្នុង​ប្រទេស​ ហ្ស៊ីមបាវ៉េ ​ប៉ុន្តែ​អ្វី​ដែល​គួរ​ឲ្យ​ចម្លែក​នៅ​ពេល​នេះ​ គឺ​បុរស​ត្រូវ​ស្ត្រី​ចាប់​រំលោភ​ទៅ​វិញ។ ​នេះ​បើ​តាម​ការ​ចេញ​ផ្សាយ​របស់​សារព័ត៌មាន Emirates 247។ របាយ​ការណ៍​ចុងក្រោយ​មួយ ​បាន​រាយការណ៍​ថា...
error: Content is protected !!