ប្រុសៗគួរយល់ដឹង៖​សុខភាពផ្លូវចិត្តមនុស្សស្រី ពេលមានរដូវ

មនុស្សស្រី ពេលកំពុងមានរដូវ តែងតែមានអារម្មណ៍ឆេវឆាវ។ ក្នុងអំឡុងនោះអ្នកត្រូវការអ្នកផ្ទះ និងអ្នកនៅជុំវិញថ្នាក់ថ្នមអារម្មណ៍ តែភាគច្រើន គឺគេមិនដឹង ហើយពេលខ្លះ គេដឹងតែគេមិនអើពើ មិនយកចិត្តទុកដាក់ឡើយ ដូច្នេះស្ត្រីត្រូវចេះថែផ្លូវចិត្តដោយខ្លួនឯង។ សូមសាកល្បងវិធីខាងក្រោមនេះ ប្រសិនបើអ្នកមានអារម្មណ៍មិនល្អ ពេលមានរដូវ៖

  1. ប្រសិនបើអាច គួរព្យាយាមនៅឲ្យឆ្ងាយ ពីក្រុមមនុស្ស និងភាពអ៊ូរអ
  2. ញ៉ាំអាហារ ដែលមានវីតាមីន និងជីវជាតិ
  3. ចៀសវាងអាហារផ្អាប់ ប្រៃ និងជូរខ្លាំង
  4. គួរញ៉ាំផ្លែឈើ ឬទឹកផ្លែឈើ ដែលមានរសជាតិជូរអែម ជាពិសេសគឺផ្លែប៉ោម និងផ្លែសារី (គួរញ៉ាំនៅពេលព្រឹក និងពេលថ្ងៃ ហាមពេលល្ងាច និងយប់)
  5. គួរផ្អាកលេងកីឡា ឬការធ្វើលំហាត់ប្រាណ
  6. គួរអានសៀវភៅ សូត្រធម៌ ស្តាប់ធម៌ទេសនា ស្តាប់ចម្រៀង ឬភ្លេង មនោសញ្ចេតនា
  7. គួរតាំងសមាធិយ៉ាងហោចណាស់ ១៥នាទី មុនពេលចូលគេង

វិធីសាស្ត្រទាំង 7ខាងលើ អាចជួយសម្រួលផ្លូវចិត្ត និងអារម្មណ៍របស់អ្នកឲ្យស្ងប់ នឹងន កាត់បន្ថយភាពឆេវឆាវ។ អារម្មណ៍ផ្លូវចិត្តពេលមានរដូវ អាចជះឥទ្ធិពល ដល់ចិត្តគំនិត បុគ្គលិកលក្ខណៈរបស់អ្នក ប្រសិនបើអ្នកមិនបានមើលថែឲ្យល្អ។ អ្នកអាចនឹងក្លាយជាមនុស្ស ដែលឆាប់ខឹងច្រឡោត ផ្តាច់ការ អាត្មានិយមជាដើម។ សូមចំណាយពេលខ្លះ យកចិត្តទុកដាក់នឹងខ្លួនអ្នក កុំបណ្តែតបណ្តោយឲ្យសោះ៕

 

ប្រភព៖ ទំនើប – Tomnerb

error: Content is protected !!