យ៉ូហ្កាសប្បាយៗ ៥ក្បាច់ អាចជួយឲ្យកូនតូចៗរបស់អ្នកគេងលក់ស្កប់ស្កល់

កូនតូចរបស់អ្នកដែលទើបនឹងចូលសាលាមត្តេយ្យ តែងតែមានកម្លាំងកំហែងរត់លេង ជាពិសេសពេលយប់ គេមិនងាយងងុយទេ។

ដើមី្បជួយសម្រួលដល់ការលំបាករបស់ម្តាយគ្រប់រូប ទំនើបសូមណែនាំនូវវិធីហាត់ប្រាណក្បាច់យ៉ូហ្កាបែបសប្បាយៗ ដែលអ្នកអាចឲ្យកូនរបស់អ្នកហាត់រៀងរាល់យប់៖

១. ក្បាច់មេអំបៅ

ឲ្យកូនរបស់អ្នកអង្គុយចុះ ខ្នងឲ្យត្រង់ រួចបត់ជើងទាំងពីរមកខាងមុខ ដោយឲ្យបាតជើងទាំងពីរផ្គុំគ្នា។ បន្ទាប់មក អ្នកប្រាប់ឲ្យកូនអ្នកទទះជើងទាំងពីរដូចស្លាបមេអំបៅ។

២. ក្បាច់ឆ្កែឃ្វាលចៀម

ឲ្យកូនរបស់អ្នកអោនក្បាលចុះ ចំកោងខ្លួន បាតដៃទាំងពីរ និងជើងទាំងពីរដាក់លើឥដ្ឋ គូទទយទៅលើ ។ បន្ទាប់មកឲ្យកូនរបស់អ្នកបោះជើងទាំងពីរថយក្រោយមួយឬពីរជំហាន (កម្រើកតែជើង មិនកម្រើកដៃ និងគូទ) ហើយលាតសន្ធឹងខ្លួន។

៣. ក្បាច់អណ្តើកសមុទ្រ

ឲ្យកូនរបស់អ្នកលុតជង្គង់ បន្ទាប់មកដាក់គូទអង្គុយលើកែងជើង ហើយពោបខ្លួនទៅមុខលើឥដ្ឋ ដោយសន្ធឹងដៃទាំងពីរចេញ (ទៅទិសខាងលើក្បាល)។ បន្ទាប់មក អ្នកប្រាប់កូនរបស់អ្នកថា ពេលនេះ កូនជាអណ្តើកសមុទ្រ ដូច្នេះត្រូវដកដង្ហើមវែងៗឲ្យបានច្រើនដង។

៤. ក្បាច់ឥន្ទ្រី

ក្បាច់នេះរាងពិបាកបន្តិច។ អ្នកឲ្យកូនរបស់អ្នកឈរត្រង់ខ្លួន បន្ទាប់មកឲ្យកូនបត់ជើងម្ខាងព័ទ្ធលើជើងម្ខាងទៀតមកក្រោយ ហើយឲ្យកូនលើកដៃទាំងពីរទៅលើ ខ្វែងដៃ ហើយឲ្យបាតដៃទាំងពីរផ្គុំគ្នាដូចកាយវិការសំពះ។ បន្ទាប់មកឲ្យកូនអ្នកផ្លាស់ប្តូរទៅជើងម្ខាងទៀត ដូចកាយវិការមុន។

៥. ដកដង្ហើម

ប្រាប់ឲ្យកូនអ្នកអង្គុយពែនភ្នែន រួចយកបាតដៃទាំងពីរដាក់លើគ្នា (ធ្វើដូចព្រះពុទ្ធតាំងសមាធិ) ឬដាក់ដៃដូចហាត់យ៉ូហ្កាឥណ្ឌា បន្ទាប់មកឲ្យកូនអ្នកបិទភ្នែក ហើយឲ្យគេផ្ចង់អារម្មណ៍លើដង្ហើមរបស់ខ្លួន។

ទាំងប្រាំនេះជាក្បាច់យ៉ូហ្កាដែលអាចជួយឲ្យកូនរបស់អ្នកឆាប់ងុយគេង។ ទំនើបសូមផ្តែផ្តាំថា នេះជាការហាត់ប្រាណបែបសប្បាយៗ ដូច្នេះអ្នកមិនគួរផ្តល់សម្ពាធឲ្យកូនអ្នកទេ ហើយក៏មិនចាំបាច់ធ្វើត្រឹមត្រូវតាមក្បាច់ ១០០ ភាគរយដែរ។ ធ្វើយ៉ាងណាឲ្យតែកូនអ្នកបានពត់ពេនខ្លួន និងធ្វើចលនាដោយរីករាយ។ ចំពោះរយៈពេលហាត់មិនបាច់យូរពេកទេ អ្នកអាចប៉ាន់ស្មានលៃឲ្យសមនឹងកម្លាំងក្មេង។ អ្នកអាចសាកល្បងវិធីនេះបាន ដើមី្បជួយដល់កូនអ្នកចូលដំណេកលឿន និងលង់លក់ស្រួល៕

ប្រភព៖​ ទំនើប

Related Post

តើអ្នកមានដឹងទេថា ចេកផ្ដល់អត្ថប្រយោជន៍អ្វ៉ខ្លះសុខភាពអ្នកអត់? សូមអានអត្ថបទមួយនេះអ្នកនិងដឹងច្បាស់ជាមិនខាន….... ចេក ជាផ្លែឈើដែលងាយស្រួលស្វែងរកបាន និងមានតំលៃថោកសមរម្យ ប៉ុន្តែវាផ្ដល់សារប្រយោជន៍ យ៉ាងច្រើនដល់រូបរាងកាយមនុស្សយើង ព្រោះវាសម្បូរទៅដោយវីតាមីន A,B6, B12, កាលស្យូម ផូស្វ័រ ប៉ូតាស្យូម ការបូអ៊ីដ្រាត ថាមពល ព្រមទាំងជួយព្យាបាលជំងឺផ្សេងៗ បានទៀតផង….។   ...
មិនគួរឲ្យជឿ! ពងមាន់ និងទឹកខ្មេះ អាចការពារជំងឺទឹកនោមផ្អែមបាន... បច្ចុប្បន្ន មានមនុស្សជាច្រើននៅទូទាំងពិភពលោកកំពុងតែរងគ្រោះដោយសារជំងឺទឹកនោមផ្អែម នេះក៏ព្រោះតែកត្តារស់នៅប្រចាំថ្ងៃ រួមជាមួយនឹងការទទួលទានរបបអាហារមិនត្រឹមត្រូវ។ ពពួកអាហារ ជាពិសេសភេសជ្ជ:ដែលមានផ្ទុកជាតិផ្អែមខ្លាំង អាចបង្កឲ្យដំណើរការនៃគ្លុយកូសក្នុងឈាមមានភាពម...
មិនគួរអោយជឿ៖ ប្រេងអូលីវមិនត្រឹមតែសម្រាប់ចំអិនអាហារទេ វាអាចជួយរក្សាក្រចកដៃនិងជើង…... ដោយ ចរិយា ឱសថផ្ទះបាយមានរបស់ខ្លះមិនត្រឹមតែប្រើសម្រាប់អាហារទេ អាចប្រើសម្រាប់ការថែរក្សាសម្រស់បានទៀតផង។ តួយ៉ាងដូចជាប្រេងអូលីវ អ្នកអាចយកទៅសម្រាប់ចំអិនអាហារ ហើយអ្នកក៏អាចប្រើប្រេងនេះមកថែរក្សាក្រចកដៃ និងជើងរបស់អ្នកបានដូចគ្នាដែរ។ ១. ផលប្រយោជន៍របស់ប្...
ប្រុសៗគួរយល់ដឹង៖​សុខភាពផ្លូវចិត្តមនុស្សស្រី ពេលមានរដូវ... មនុស្សស្រី ពេលកំពុងមានរដូវ តែងតែមានអារម្មណ៍ឆេវឆាវ។ ក្នុងអំឡុងនោះអ្នកត្រូវការអ្នកផ្ទះ និងអ្នកនៅជុំវិញថ្នាក់ថ្នមអារម្មណ៍ តែភាគច្រើន គឺគេមិនដឹង ហើយពេលខ្លះ គេដឹងតែគេមិនអើពើ មិនយកចិត្តទុកដាក់ឡើយ ដូច្នេះស្ត្រីត្រូវចេះថែផ្លូវចិត្តដោយខ្លួនឯង។ សូមសាកល្បងវិធីខ...
«សូមចែករំលែកផង» របៀបប្រើក្រូចឆ្មា ដើម្បីកម្ចាត់មុនក្បាលខ្មៅដ៏មានប្រសិទ្ធភាពបំផុត!... មុនក្បាលខ្មៅ គឺជាបញ្ហាសម្រស់ទូទៅមួយប្រភេទ ដែលកើតមានដោយសារតែស្បែកមានជាតិខ្លាញ់ច្រើនពេក និងភាពកខ្វក់ធ្វើឲ្យកកស្ទះរន្ធញើស។ រីឯតំបន់ដែលទទួលរងនូវផលប៉ះពាល់ខ្លាំងបំផុតគឺ ច្រមុះ មុខ និងក។ ក៏ប៉ុន្តែ បើយោងតាមគេហទំព័រ searchhomeremedy បានបង្ហាញថា ក្រូចឆ្មា​មានស...
error: Content is protected !!